Google ADS

Një viktimë dhe 324 raste të reja me COVID-19 në Maqedoni të Veriut

14:56 | 17 Mars 2022
A. B.

Ministria e Shëndetësisë në Maqedoni të Veriut ka informuar se në 24 orët e fundit janë bërë 2.290 testime për coronavirus, ndërsa 324 raste kanë rezultuar pozitiv.

Prej tyre shumica janë në Shkup – 207, Manastir – 19, Prilep – 17, Ohri – 13, Kumanova – 11, Kavadari – 9, Tetova dhe Velesi – 6, Negotina – 5, Kërçova dhe Gjevgjelia – 4, Gostivari, Strumicë, Koçani, Vinica dhe Kratovë – 3, Struga dhe Kriva Pallanka – nga 2, Resnja, Radovishi, Valandova dhe Pehçeva – nga 1.

Nga MSH thonë se në 24 orët e fundit ka ndërruar jetë vetëm një person, ndërsa nga sistemi “Termini im” janë paraqitur edhe dy pacientë të vdekur, të cilët kanë ndërruar jetë në periudhën midis 4 dhe 5 mars 2022.

Kurse ISHP ka regjistruar 287 pacientë të shëruar.

Me rastet e sotme numri i përgjithshëm i të infektuarve shkon në 302.548, prej të cilëve 291.431 janë shëruar, ndërsa 9.162 kanë ndërruar jetë.

Numri i rasteve aktive deri sot (17 mars) është 1.955.

Shpërndaje në rrjete sociale

Lajmet më të lexuara

Të ngjashme

Foto lajm